Առաջարկում ենք Ամանորին պատրաստել այս աղցանը: Պատրաստվում է պարզ և մատչելի մթերքից, սակայն այնքան օրիգինալ է և համեղ, որ սեղանին կհաղորդի շքեղ տեսք:
Անհրաժեշտ բաղադրիչներ.
- 200գ հավի կրծքամիս
- 100գ բրինձ
- 5 ձու
- 1 կարտոֆիլ
- 1 տուփ եգիպտացորեն
- 1 կապ կանաչ սոխ
- մի քանի գդալ մայոնեզ
- աղ և սև պղպեղ
- զարդարելու համար՝ բազուկ և պինդ պանիր
Ինչպես պատրաստել «Ձմեռ պապիկի գլխարկ» աղցանը․
Եփել բրինձը, կարտոֆիլը՝ առանց կեղևը հանելու, հավի կրծքամիսն ու բազուկը:Քերիչով անցկացնել ձուն և մաքրած կարտոֆիլը: Հավի միսն ու կանչ սոխը մանր կտրատել:Խառնել բոլոր բաղադրիչները՝ բացի բազուկից, պանիրից, նաև մի կողմ դնել բրինձի 1/3 մասը: Աղցանին ավելացնել մայոնեզը, անհրաժեշտության դեպքում աղն ու սև պղպեղը, և խառնել:
Վերցնել խորը ափսե, ծածկել սննդային տոպրակով: Մեջը լցնել աղցանը և գդալով սեղմել: Ծածկել տոպրակով և 2 ժամ թողնել սառնարանում:Այդ ընթացքում քերիչով անցկացնել բազուկը և քամել հյութը: Ֆորմայի օգնությամբ կամ դանակով պանիրից կտրել 2020-ի թվերը:Աղցանը տեղափոխել մատուցվող ափսեի մեջ, զարդարել քամած բազուկով և բրինձով:Վերջում էլ դնել նախապատրաստած 2020-ը: