Մարինացված լոլիկի չիրն իսկական դելիկատես է․ Շատ բան պետք չէ այդ հրաշքը պատրաստելու համար
Ինձ համար զեյթունի ձեթի մեջ մարինացված լոլիկի չիրն իսկական դելիկատես է:
Այն կարծես իր մեջ խտացնում է արևի և լոլիկի համերը: Ուտելիս այնպիսի տպավորություն է, որ հենց արևն ես համտեսում:
Շատ բան պետք չէ լոլիկի չիր պատրաստելու համար` լոլիկ, աղ և Հայաստանի կիզիչ արև:
1. լոլիկ: Մենք դրանք կիսում ենք կամ չորս մասի բաժանում:
2. աղ
3. շատ, շատ արև
Լոլիկները կտրում ենք, աղ անում և դնում արևի տակ չորանալու համար: Չիրը պատրաստ կլինի 4-7 օրվա ընթացքում:
Հարկավոր չէ, որ դրանք քարի կտոր դառնան: Չիրը պատրաստ է, երբ այն դեռ ճկուն է:
Չիրը կարելի է զակատ անել կամ պահել սառցարանում:
Հետագայում այս չիրը կարելի է օգտագործել մակարոնեղենի հետ, պիցցաների վրա կամ սենդվիչների մեջ: Օգտագործելուց առաջ հարկավոր է մոտ մեկ ժամով չիրը թրջել եռացող ջրի մեջ:
Բայց անմիջապես օգտագործման համար, չիրը կարելի է մարինացնել զեյթունի ձեթի մեջ, ավելացնել սխտոր, խոտեր, սև պղպեղի հատիկներ և վայելել հացի հետ:
Այդ անուշահոտ և համեմված զեյթունի ձեթի մեջ կարելի է նաև հացի կտորներ թաթախել և վայելել:
Բարի ախորժակ…