Կովկասի բոլոր ժողովուրդները ու հատկապես հայերը շատ են սիրում թթու ուտել: Ավանդական հայկական ընտանիքի սեղաններին միշտ եղել են տարբեր տեսակի թթուներ ու պահածոներ: Սա նաև գալիս է հայերին բնորոշ հյուրասիրելու ցանկությունից, հյուրին լավ ընդունելու, պատվելու, համեղ կերակուրներով կերակրելու դարեդար եկած ավանդույթից:
Սակայն ժամանակները փոխվել են, այսօր բոլորը չէ, որ ժամանակ ունեն պատրաստել նույնքան պահածոներ, թթուների տեսականի ու կոմպոտներ, ինչպես մեր տատիկներն ու մայրիկներն էին անում: Բացի այդ տանը անվտանգության նորմերն ապահովելն այնքան դժվար է՝ պահածոների հետ կապված առողջական խնդիրներից խուսափելու համար:
Ինչևէ,մալականի թթուն եղել է և շարունակում է մնալ մեր՝ հայերիս սիրելի թթուներից:Ու սա այն ուտեստներից է, որ կարող եք հանգիստ պատրաստել ու չվախենալ ընտանիքի անդամների առողջության համար:Այսօր ուզում ենք ներկայացնել մալականի թթվի մի տարբերակ, որն առաջարկում է հմուտ խոհարարուհի Էլմիրա Թադևոսյանը:
Բաղադրիչներ․
- կաղամբ -2կգ
- գազար -5հատ
- շաքարավազ -1ճգ
- աղ -2,5ճգ
- ջուր
Պատրաստման եղանակն ու բոլոր գաղտնիքները դիտեք տեսանյութում.
