Ներկայացնում ենք ամենահզոր հակատարիքային միջոցները ամենօրյա գործածության համար

Օրգանիզմի ծերացումը բնական գործընթաց է, որից խուսափել չի հաջողվի անգամ ճիշտ խնամքի դեպքում, սակայն, այնուամենայնիվ, կան որոշ միջոցներ, որոնք կարող են օգնել հնարավորինս երկար պահպանել երիտասարդությունն ու մաշկի թարմությունը: Մասնագետները ներկայացրել են այն արդյունավետ միջոցները որոնք կօգնեն պայքարել կնճիռների դեմ և կհարթեցնեն մաշկը:

Կնճիռների դեմ պայքարի համար շատ արդյունավետ կարող են լինել ինտենսիվ խոնավացնող միջոցները, որոնց շնորհիվ մաշկն ավելի նուրբ ու պիրկ է դառնում: Մաշկը նրբորեն շերտազատող միջոցների կիրառումը նույնպես նվազեցնում է ծերացման նշանները, քանի որ օգնում է ազատվել մաշկի խամրածությունից ու պիգմենտային հետքերից:

Մաշկի երիտասարդության պահպանման հարցում ամենաարդյունավետ բաղադրիչներից մեկը ռետինոլն է: Այն արագացնում է բջիջների փոխանակության գործընթացը, ինչի շնորհիվ դրանք սկսում են ավելի ակտիվ կերպով բազմանալ: Ընդ որում՝ սա օգնում է լուծել ոչ միայն կնճիռների, այլև բշտիկների խնդիրը: Մասնագետների կարծիքով՝ ռետինոլը նպաստում է կոլագենի արտադրությանը, իսկ այս տարրը շատ կարևոր է մաշկի առաձգականության ու երիտասարդության պահպանման համար:

Շատ օգտակար է նաև կաթնաթթուն, որը գործում է որպես արդյունավետ շերտազատող միջոց: Այն մաքրում է կեղտը, ազատում է մահացած բջիջներից ու բարենպաստ ազդեցություն է ունենում զգայուն մաշկի վրա: Ամերիկացի մաշկաբանները կարծում են, որ կաթնաթթուն լավագույն խնամող միջոցն է չոր մաշկի համար, ուստի զարմանալի չէ, որ այն հաճախ է նշանակվում կանանց:

Բացի այդ, շատ արդյունավետ են նաև արևապաշտպան քսուքները, սակայն դրանք ընտրելիս հարկավոր է նախապատվությունը տալ հնարավորինս բարձր պաշտպանություն ապահովող միջոցներին, որոնք նվազեցնում են ինչպես UVB ճառագայթների, այնպես էլ UVA ճառագայթների վնասակար ազդեցությունը: Մասնագետները խորհուրդ են տալիս չմոռանալ նաև հիալուրոնաթթվի մասին, որը համարվում է բավական արդյունավետ հակատարիքային միջոց, սակայն նախազգուշացնում են, որ դրա ազդեցությունը պահպանվում է առավելագույնը 12 ժամ, գրում է actualnews.org կայքը:

Հավանեցիք? Կիսվեք Ձեր ընկերների հետ
INTERESTING NEWS
Яндекс.Метрика