Զարկերակային բարձր ճնշման կարգավորման մեթոդները շատերին են հայտնի,սակայն ոչ պակաս տարածված ու վտանագավոր խնդիր է նաև զարկերակային ցածր ճնշումը,որի դեմ պայքարի միջոցներին ոչ բոլորն են ծանոթ:Հիպոտոնիայի (զարկերակային ցածր ճնշում) դեպքում մարդու մոտ հաճախ են նկատվում անբացատրելի հոգնածություն ու գլխապտույտ:Այս խնդիրը կարող է լինել առաջնային կամ երկրորդային,որի դեպքում զարկերակային ցածր ճնշումը պայմանավորված է առողջական այլ խնդրով:Եթե հիպոտոնիան պայմանավորված է այլ հիվանդությամբ,ապա ճնշման կարգավորման համար հարկավոր է նախ ազատվել հիմնական խնդրից:
Եթե որևէ այլ հիվանդություն չի ախտորոշվել,ապա կարելի է փորձել կարգավորել ճնշումն ինքնուրույն:Այս խնդրի դեպքում մարդիկ սովորաբար ընդունում են հատուկ դեղամիջոցներ,սակայն փորձը ցույց է տվել,որ դրանց ազդեցությունն օրգանիզմի վրա կարող է անկանխատեսելի լինել,ուստի մինչ դեղորայք ընդունելը հարկավոր է փորձել կարգավորել ճնշումը նույնքան արդյունավետ սակայն շատ ավելի անվնաս բնական միջոցներով: Aif.ru կայքը ներկայացրել է այդ բնական միջոցներից երկուսը:
1-ին միջոցը. Շատ արդյունավետ կարող է լինել սև թեյի և կոճապղպեղի թուրմը:Այն պատրաստելու համար հարկավոր է 1 ճաշի գդալ սև թեյին ու 1 թեյի գդալ կոճապղպեղի մանրացրած արմատին ավելացնել մի բաժակ եռման ջուր,թրմել կես ժամ,այնուհետև բաժանել երկու մասի և խմել օրվա ընթացքում:
2-րդ միջոցը. Զարկերակային ցածր ճնշումը կարգավորող հիանալի միջոց կարող է լինել նաև ժենշենի ոգեթուրմը:Սա բավական արդյունավետ միջոց է,ուստի դրա մեկանգամյա ընդունման չափաբաժինն է ընդամենը 10 կաթիլ:
Նշված միջոցները շատ արդյունավետ են ու օգնում են ազատվել խնդրից առանց դեղամիջոցների,սակայն հարկ է հիշել,որ հիպոտոնիան կարող է շատ վտանգավոր լինել,ուստի սխալ բուժումն էլ ավելի կվատթարացնի հիվանդի վիճակը:Սա է պատճառը,որ մինչ բուժումն սկսելը հարկավոր է նախ խորհրդակցել մասնագետի հետ,բուժզննում անցնել և անպաման պարզել խնդրի զարգացման հիմնական պատճառը:Հարկ է հիշել,որ միայն փորձառու մասնագետը կկարողանա ճիշտ ախտորոշել հիվանդությունն ու նշանակել անհրաժեշտ բուժումը,մինչդեռ ինքնաբուժությունը որոշ դեպքերում կարող է ճակատագրական լինել:
