Մի անգամ մարդիկ հարցրին կյանքին թե ինչո՞ւ են այսպես ապրում։
Առաջին մարդը հարցրեց.
Ինչո՞ւ եմ ես այսպես ապրում: Ես հաճախ հիվանդանում եմ, անհաջողություններն ինձ անընդհատ ուղեկցում են… Ես մագնիսի պես եմ բոլոր տեսակի անախորժությունների համար…
Եվ կյանքը պատասխանեց նրան.
-Որովհետև դու ապրում ես ամբողջ աշխարհից վիրավորված՝ ընկած վրեժխնդրության ու ատելության թակարդը։ Մինչդեռ դու պետք է ապրես ուրախության համար,քեզ համար, ուրիշների համար, Աստծո համար: Այդ ժամանակ դու երջանիկ կլինես:
Երկրորդ մարդը կյանքին հարցրեց.
-Ինչո՞ւ եմ ես այսպես ապրում: Ինչ-որ մեկի կամ ինչ-որ բանի հետ անընդհատ պայքարի մեջ… Ինչ որ բան այն չէ…
Եվ կյանքը պատասխանեց նրան.
-Որովհետև դու ապրում ես անկախ ամեն ինչի և բոլորի դեմ։ Դու նման ես չհասունացած դեռահասի, դեռ ըմբոստանում ես, ուղղակի չես կարող կանգ առնել։ Ահա թե ինչու դու ունես այսպիսի լայնակի կյանք։ Մինչդեռ դու պետք է ապրես հանուն ամեն ինչի և բոլորի : Այդ ժամանակ դու երջանիկ կլինես։
Երրորդը հարցրեց.
-Ինչու եմ ես ապրում այսպես։Միշտ կախված եմ այլոց կարծիքից և ինքնավստահ չեմ։
Կյանքը պատասխանեց.
-Դու ապրում ես անյպես, որ քեզ նախանձեն։Մինչդեռ պետք է ապրես այնպես, որ քեզնով ու քո օրինակով հիանան ։ Այդ ժամանակ դու երջանիկ կլինես։
Չորրորդ մարդը հարցրեց թե ինչու է միշտ սթրեսի և լարվածության մեջ ապրում։
Կյանքը նրան պատասխանեց.
-Դու ապրում ես մեկին ինչ-որ բան ապացուցելու համար: Քո կյանքը բաղկացած է ամուր թեորեմներից, որոնք անընդհատ պետք է հասցնել ապացուցել։ Բայց դա ոչ մեկին պետք չէ։ Պետք չէ որևէ մեկին որևէ բան ապացուցել։ Դու այդքան ժամանակ և ջանք ես ծախսում դրա վրա՝ և՛ ապացույցների վրա, և՛ քո գլխում այլ մարդկանց մտավոր պատկերները կերակրելու վրա, ովքեր միշտ սոված կլինեն և ավելի ու ավելի շատ ուշադրություն կխնդրեն իրենց նկատմամբ: Իսկ դու պետք է ապրես երջանկության աքսիոմայով։
Հինգերորդ մարդը հարցրեց թե ինչու է ձանձրալի և անհետաքրքիր կյանքով ապրում։
Կյանքը պատասխանեց.
-Որովհետև կյանքն անցնում է քո կողքով, իսկ դու թաքնվում ես միշտ։ Իսկ պետք է ապրել այնպես որ կյանքը հետաքրքրասիրությունից դրդված կանգ առնի և նայի քեզ։
Վեցերորդը հարցրեց թե ինչու ոչինչ իրեն չի ուրախացնում։
Կյանքն ասաց.
-Դու քո կյանքով չես ապրում։ ԵՒ բոլոր ուրախությունները քոնը չեն։ Գտիր քեզ, քո զգացմունքները, ցանկությունները, նպատակները, շփման շրջանակները, մի խոսքով գտիր քո կյանքը։Այդ ժամանակ երջանիկ կլինես։