Կենդանակերպի նշանների կյանքի կարևորագույն արժեքները

Խոյ Կարևորը Խոյի համար ազատությունն է։ Մտքի, քայլերի, հարաբերությունների մեջ ազատությունը, և նույնիսկ աշխատավայրում։ Իսկ ինչպե՞ս են Խոյերը կարիերայի ճանապարհը հարթում։ Եթե Դուք ղեկավար եք և կարդում եք այս հոդվածը, և Ձեր աշխատակիցը Խոյ է, ապա ժամանակն է լսել նրա խորհուրդը և փորձել ազատություն տալ իրեն։ Հավատացնում եnq Ձեզ, ոչ մի վատ բան դրանից չի լինի, հակառակը՝ Խոյը 360 աստիճանով կշրջի իրադարձությունները և հետաքրքիր մտքերի շատրվանը պարզապես կցայտի Խոյի գլխից։ Էներգիայի հորդումը, բարձր աշխատունակությունը և Ձեր բաժնի կատարողականության բարձր ցուցանիշները ապահովված են։

Ցուլ Մեծ, գեղեցիկ, հավերժական տուն՝ սա է յուրաքանչյուր Ցուլի երազանքը։ Հանուն այս երազանքի Ցուլը պատրաստ է աշխատել օր ու գիշեր։ Տունը Ցուլի համար պարզապես շինություն չէ՝ այն կարծես երկրորդ մաշկը, զենք ու զրահը լինի, անվտանգ ու հուսալի և միայն իրենը։ Եթե Ցուլը Ձեզ հյուրընկալի, իմացեք, որ պարծենալու է, որ միայն իր քրտնաջան աշխատանքի շնորհիվ է ստեղծվել այս շքեղ տունը։ Ոչ բոլորը գիտեն, թե որ կողմ է բացվում Ցուլի տան դուռը, քանի որ ոչ բոլորին է նա վստահում։ Եթե նա Ձեզ հրավիրել է, ապա իմացեք, որ Դուք հատուկ հյուր եք և Ձեզ վստահում են։ Եվ աշխատեք ոչինչ չկոտրել և չփչացնել։ Անշուշտ Ցուլը կձևացնի, թե ոչ մի սարսափելի բան չի պատահել, սակայն ամենայն հավանականությամբ Դուք այլևս հնարավորություն չեք ունենա այդ ջերմ տան հյուրը լինել։

Երկվորյակներ Երկվորյակների համար կարևորագույն արժեքներից մեկն են ընկերները։ Իրենք կարծում են, որ եթե ընկեր ունես, ապա ժամանակն է մի համեղ բան պատրաստել, քանի որ ըստ Երկվորյակների՝ դատարկ սատամոքսին ոչ մի զրույց չի ստացվի։ Երկվորյակները երկարատև, հոգեւոր զրույցների սիրահարներ են, սիրում են հուզվել՝ բողոքելով կյանքի անարդարությունից, իսկ այս ամենից հետո երգել և պարել։ Եթե Դուք համարձակվել եք նեղացնել երկվորյակների շրջապատից որևիցե մեկին, ապա ավելի լավ է թաքնվեք, այլապես վատ կլինի։

Խեցգետին Խեցգետնի համար ամենակարևրը ընտանիքն է, մտերիմներն ու ազգականները։ Ընտանիքի հետ անցկացրած ժամանակն անգին է Խեցգետնի համար, սակայն նրա ընտանիքի անդամը լինելը բավականին ծանր բեռ է։ Խեցգետինը շատ հետաքրքրասեր է․ նա պետք է իմանա, թե ինչ է կատարվում դստեր, ամուսնու, որդու, հարսի, փեսայի, քրոջ կյանքում։ Տան անդամների համար շատ բարդ կլինի խաբել Խեցգետնին, քանի որ նա միևնույն է ճշմարտությունը կիմանա։ Ի վերջո, կկազմի իր վերջնական կարծիքն ու կամփոփի այն ոչ Ձեր օգտին։ Այնպես որ, ավելի լավ է միանգամից ասեք ճշմարտությունը։

Առյուծ Առյուծի համար ամենակարևորը կարգավիճակն է։ Եթե նախաճաշին Առյուծը կբավարարվի միայն մեկ բաժակ սուրճով, ապա ճաշին անպայման մեկ կտոր կարկանդակ կհամտեսի, կամ ընդհանրապես՝ կմոռանա ճաշի մասին։ Սակայն ընթրիքին Առյուծը կուղևորվի ամենաշքեղ ռեստորանը, կպատվիրի ամենաթանկ ուտեստներն ու գինու հազվագյուտ տեսակները՝ վերջապես իրեն թագավոր զգալու համար։ Եթե Առյուծը գնում է ամառանոց հանգստանալու, մի կարծեք, թե նա չունի շենգենյան վիզա։ Մոտակա հինգ տարիների վիզայի առկայությունը Առյուծի անձնագրում պարտադիր պայման է։ Եվ թող բոլորն իմանան, որ Առյուծը ամենալավն է։

Կույս Կոյսերը կատարելության մասին են երազում։ Աշխարհը կատարյալ չէ, չնայած , որ Կույսի կարծիքով կատուները, շներն ու ձիերը կատարյալ են։ Կույսերը պաշտում են ընտանի կենդանիներին և հաճախ կարծում են, որ կենդանի աշխարը շատ ավելի կատարյալ է, քան ցանկացած մարդկային հարաբերությունները։

Կշեռք Կշեռքների համար ամենակարևորը համեղ ուտելիքն է։ Նրանք կարծում են, որ եթե տանը չկա սառնարան, ապա կյանքն անիմաստ է։ Սառնարանը պետք է լեփ-լեցուն լինի ամենատարբեր մթերքրներով՝ նույնիսկ ոչ ամենաօգտակար։ Ամենակարևորն այն է, որ ամեն բան գեղեցիկ և ախորժելի տեսք ունենա։

Կշեռքները պաշտում են պաղպաղակը՝ հատկապես շոկոլադե-վանիլային, և այն պետք է շատ լինի սառցարանում։ Կշեռքները կհաղթահարեն ամեն դժվարություն ու խոչընդոտ։ Պարզապես եղեք իրենց կողքին և ուրախացրեք «թռչնի կաթ» տորթով, և ինքներդ կտեսնեք, թե ինչպես փայլեցին իրենց աչքերը։

Կարիճ Սիրային խաղերի մոլի խելագարը։ Կարիճի մտքերը միայն դրա մասին են։ Նա կարծում է, որ ամեն բանի կարելի է հասնել կյանքում, իսկ պարծենալ սիրային պատմությունների տպավորիչ ցուցակով ոչ ոք չի կարող, բացի իրենից։ Կարիճը զարմացնում է իր անամոթ ցանկասիրությամբ, և երբեմն մտածում ես՝ մի՞թե այս մարդն այլ հետաքրքրություններ չունի։

Աղեղնավոր Կին–Աղեղնավորի համար ամենակարևորն իր տղամարդն է։ Նա դեռ դպրոցական տարիներից է զուգընկեր փնտրում, և գտնելուն պես ամուսնանում է անմիջապես դպրոցն ավարտելուց հետո։ Երեխաներ է ունենում և դաստիարակության հանձնում սկեսրոջը՝ սիրելի ամուսնու հետ ավելի շատ ժամանակ անցկացնելու համար։ Սիրելիին Աղեղնավոր-կինը գեղեցիկ խոսքեր կշշնջա, բայց փոխարենը կպահանջի մեքենա գնել և քթի պլաստիկ վիրահատության համար գումար տալ։

Այծեղջյուր Կենդանակերպի այս նշանի համար ամենակարևորը փողն է։ Շատ փողը։ Այծեղջյուրները սիրում են ասել, որ ամենկարևորը փողը չէ, ինչը նշանակում է, որ որքան շատ գումար նա ունի, այնքն ավելի լավ է դասավորվում նրա կյանքը։ Այծեղջյուրները ստիպված են ջանքեր չխնայել լավ ապրուստ վաստակելու համար։ Նրանք գիտակցում են, որ երջանկությունը հարմարավետությունն է, օգտակար և համեղ սնունդը, գեղեցիկ և հարմարվետ ու բազմաֆունկցիոնալ տունը։ Այծեղջյուրները անսահման աշխատասեր են, թեև երբեմն զոհում են իրենց առողջությունը։ Պետք է սովորել հանգստանալ և մի փոքր դադար տալ։ Փորձեք պարզապես պառկել բազմոցին կամ մի փոքր քնել։ Սովորեք նաև հանգստանալ։

Ջրհոս Ճանապարհորդելու մեծ սիրահար։Տեսնել աշխարհը և ցուցադրել իրեն՝ այսպես կարելի է բնորոշել Ջրհոսի նախասիրությունները։ Եթե թողնես նրան տանը փակի տակ, ապա մեծ է հավանականությունը, որ նա կխելագարվի։

Ջրհոսը շատ լավ ճանաչում է քաղաքը, որտեղ ապրում է։ Նա կարող է փակ աչքերով շրջել քաղաքի բոլոր թաղամասերում, գիտի բոլոր փողոցներն ու խաչմերուկները։ Սակայն Ջրհոսը պետք է ուշադիր լինի իր զուգընկերոջը, քանի որ ոչ բոլորի սրտով են ճանապարհների ուսումնասիրության այս տեսակները, և ամենայն հավանականությամբ, Ջրհոսը ստիպված կլինի շրջագայել միայնակ։

Ձկներ Ձկների համար ամենակարևորը սերն է։ Եվ կարևոր չէ, թե ում կամ ինչը սիրել։ Առանց սիրո Ձկները կարծես ցամաքում լինեն՝ միայնակ, լքված ամայի մի ափին․․․Ձկները մեծ սիրտ ունեն, և սերը բավական է բոլորի համար՝ լինի դա սիրելին, մեքենան, շունը, փողը։ Կարևոր է սիրել այդ ամենը, նույնիսկ եթե այդ սերն անպատասխան է։ Իսկ միգուցե ժամանակն է մտածել, թե ինչպե՞ս կարելի է սիրել մեկին, որը քեզ այդքան էլ չի սիրում։ Մի խոսքով՝ դուրս եկեք սիրո Ձեր օվկիանոսից, թարմ օդ շնչեք և մտածեք՝ մի՞թե Ձեզ դա է անհրաժեշտ։ Ի վերջո, միացրեք ուղեղը։

Հավանեցիք? Կիսվեք Ձեր ընկերների հետ
INTERESTING NEWS
Яндекс.Метрика