Տարվա այս եղանակին շնչառական համակարգի հիվանդությունները բավական տարածված են և հաճախ ուղեկցվում են հազով,որից ազատվելը կարող է բավական բարդ լինել:Ներկայում դեղատներում կան այս տհաճ խնդրի դեմ պայքարի համար նածատեսված բազմաթիվ դեղամիջոցներ,սակայն դրանք կամ բավական թանկարժեք են, կամ անարդյունավետ:Սա է պատճառը որ նման դեպքերում մասնագետները խորհուրդ են տալիս կիրառել բուժման ժողովրդական միջոցներ,քանի որ նման միջոցները ոչ միայն արդյունավետ են ու հասանելի,այլև չեն առաջացնում կողմնակի բարդություններ:Ձեր ուշադրությանն ենք ներկայացնում երեք պարզ ու հասանելի ժողովրդական դեղամիջոց,որոնք կօգնեն հեշտությամբ մեղմել հազը:
Տուղտի արմատների եփուկ Այս օգտակար եփուկը պատրաստելու համար հարկավոր է 1 թեյի գդալ տուղտի մանրացրած արմատներին ավելացնել մի բաժակ եռման ջուր,դնել թույլ կրակին ու եփել 15 րոպե:Պատրաստ լինելուն պես եփուկը հարկավոր է քամել,բաժանել երկու մասի և ընդունել առավոտյան ու երեկոյան (կես բաժակ):
Մեղրով ու յուղերով կաթ Այս ըմպելիքը,թերևս,հազի դեմ ամենատարածված միջոցներից է,որը ծանոթ է գրեթե բոլորին:Այն պատրաստելու համար հարկավոր է կաթը եռացնել թողնել մի փոքր սառչի,այնուհետև ավելացնել մեկական թեյի գդալ կակաոյի յուղ (կարելի է փոխարինել կարագով) և մեղր:Այս ըմպելիքը ցանկալի է խմել գոլ վիճակում քնելուց անմիջապես առաջ:
Շաղգամի հյութ Հազը մեղմող ամենապարզ ու հասանելի միջոցներից մեկը շաղգամի հյութն է:Այս պարզ դեղամիջոցը պատրաստելու համար հարկավոր է հյութաքամիչի միջոցով քամել 1 բաժակ շաղգամի թարմ հյութ,դնել այն կրակին ու եռացնել: Թողնել հյութը սառչի և կես ժամ թրմվի,այնուհետև ավելացնել մի փոքր մեղր ու խմել խառնուրդը:Այս բնական միջոցները շատ արդյունավետ են ու հասանելի,սակայն հարկ է հիշել,որ առողջական լուրջ խնդիրների և ուժեղ ցավերի դեպքում հարկավոր է անպայման դիմել մասնագետին,քանի որ ինքնաբուժությունը կարող խիստ վնասակար լինել ու էլ ավելի վատթարացնել հիվանդի վիճակը:Բացի այդ,միայն փորձառու մասնագետը կկարողանա պարզել խնդրի պատճառն ու նշանակել անհրաժեշտ բուժումը,որը կլինի արդյունավետ ու չի առաջացնի կողմնակի բարդություններ:
